Во Триполи прогласена вонредна состојба
 Триполи – Меѓународно признаената Влада на Либија прогласи вонредна состојба во Триполи и неговата околина откако во повеќедневните судири загинаа 39 луѓе.

Борбите за контрола на Триполи почнаа минатата недела помеѓу вооружени групи од градот и од едно населено место јужно од главниот град.

Според податоци на либиското Министерство за здравство во судирите повредени се 96 луѓе.

Владата преку соопштение ги повикува непријателските групи да го прекинат насилството и да го почитуваат примирјето, договорено со посредство на Обединети нации.

loading...

Во Либија владее хаос од бунтот во 2011 година, кога е соборен, а потоа и убиен долгогодишниот лидер Моамер Гадафи. Со земјата сега управуваат две спротиставени влади, една со седиште во Триполи, а другата во Тобрук, источниот дел на земјата. И двете влади имаат поддршка од бројни вооружени групи. ми/19:52

 

Source link

LEAVE A REPLY

Please enter your comment!
Please enter your name here